Banyak nang takajutan, melihat masih ada rumah nang badiri imbah angin puyuh batiup kancang di daerah Pakauman Banjar. Padahal rumah-ramah nang ada disakitarnya, tabuat dari beton. Rumah nang masih badiri itu tabuat dari kayu haja, apalagi hatapnya tabuat dari daun rumbia. Kada lah aneh. Tumbur sabanua an. bajurut urang mandatangi handak malihat langsung. kada mau tamakan habar ja. Mulai ba isukan sampai tangahari, masih haja urang badatangan, jalan basasakan, hibak lawan urang, beca, halicak. Dari nang anum sampai nang tuha-tuha, ada nang hanya bakaus kutang basalawar handap sampai babinian nang bapupur bangkal. Ada jua pajabat kampung, kaya lurah.

Rumah nang kada rubuh itu banyak didatangi urang, bagrumungan urang mangitarinya. Banyak nang handak tahu kesahnya kanapa bisa kada rubuh. Aneh banar.
lalu ada nang bawani batakun lawan kai, ampun rumah tu, pas kablujuran banyak wartawan lawan para pajabat

"Kanapa kai rumah piyan kada rubuh? padahal, kuat banar angin batiup. Rumah-rumah urang banyak nang rubuhan. Baisi apa piyan kai?"

"Kada tahu jua, cu ai. Aku gin takajut jua, pas bangun guring subuh tadi, waktu aku keluar handak bakamih, kulihat banyak rumah nang rubuhan" ujar kai nang masih kabingungan malihat urang banyak bagarumungan.

"Jadi piyan kada mandangar suara gemuruh lah malam tadi?" ujar nang lain batakun jua.

"Kadada sama sakali, biasanya amun ada angin nang batiup kancang, rumahku ni pasti baguyang. Tapi malam tadi kadada marasa lalu" ujar kai sambil mambujurakan tapih nang malilit dipinggang sidin.

"Atau piyan baisi amalan kalo?" takun si Udin tatangga balakang rumah Kai.

"Kadada jua, kadada nang kubaca-baca. Sambahyang haja gin bala kambingan"

"Kalo piyan baisi jimat"

"Bah, apalagi jimat, kadada baisi lalu"

"Cuba pang dididlihat, kalo pina ada ba andakan dibawah bantal atau basisisip dihiga tawing" Ujar guru ngaji nang parak rumah Kai jua.

"Ada pang kugantung" Ujar Kai.

"Apa Kai, nang digantung? Jimat kalo?"

"Lain. Tuh, dihiga lalongkang, ada bakas bungkus jamu tolak angin, kugantung hari samalam, pas habis minum"

"Bah, hayo Kai, bungkusnya ja gin kawa mahalau angin ribut, apalagi jamunya"

"Kalau nang kaya itu, isuk, kugantung jua bungkus tolak angin dirumahku, biar anginnya manyingkir" Ujar pak RT sambil tatawa.

Read more!

Suku Banjar di Kalimantan Tengah

Suku Banjar di Kalimantan Tengah sering pula disebut Banjar Melayu Pantai atau Banjar Dayak maksudnya suku Banjar yang terdapat di daerah Dayak Besar yaitu nama lama Kalimantan Tengah. Suku Banjar merupakan 25 % dari populasi penduduk dan sebagai suku terbanyak di Kalteng dibanding suku Dayak Ngaju, suku Dayak Bakumpai, Suku Dayak Sampit dan lain-lain. Perkampungan suku Banjar Kalteng terutama terdapat daerah kuala dari sungai Mentaya, Kotawaringin Timur dan sungai Seruyan, Seruyan misalnya desa Tanjungrangas dan Pematangpanjang.

Read more!

Nyaman

Nang nyaman tu, kada sakit awak, kada sakit gigi, kada sakit parut, kada sakit kapala, talinga nyaman mandangar, mata nyaman malihat, hidung nyaman bahinak, muntung nyaman bamamakan (kada sariawan atawa sariawati), liur kada hanta, awak kada bagatalan (biar kada sing mandian), kada bakorengan, babisulan.

Baduit, apa haja nang dikahandaki, ada ja duit dikantong.

Baisi kandaraan, nyaman tulak kahulu kahilir, kada kakurangan minyak bensin.

Read more!

Banjar, bungas banar ikam tu

Samakin hari samakin bungas, ujar. Padahal balum tantu.
Bungas ujar piyan, balum tantu ujar ulun. Bungas

Read more!